Nuuk: Qatserisarfissamik nivariaqqaarneq
Nuummi qatserisarfissap sananeqarnissaanut borgmesteri Charlotte Ludvigsen nivariaqqaarpoq. Assit takukkit.
Nuummi nutaamik qatserisarfimmik sanaartorneq aallartippoq.
Kommuneqarfik Sermersuumi borgmesteri Charlotte Ludvigsen (IA) sanaartornissaq aallarnerlugu nivariaqqaarpoq, tassani sanasorpassuit qatserisartullu peqataapput.
- Pilersaarut titartakkallu takuinnarlugit kusanarluinnartuupput, taamaalilluta illu marlunnik quleriilik nutaaq naammassippat isikkussaa kusanassaqisoq naatsorsuutigisinnaavarput, borgmesterip oqalugiarnermini ilaatigut oqarpoq.
Qatserutaasivik 2.800 kvadratmeterinik angissusilik marlunnik qulereeqartussaavoq, pitsaasunik sulisunut immikkoortortaqassaaq, garageqassaaq, biilinik asaasarfeqassaaq bilileriffeqassallunilu.
- Qatserutaasiviup inissisimavia assut pingaaruteqarpoq, ikuallattoqartillugumi innuttaasunut tamanut erngerlutik orniguteriaannaasariaqarput. Inissisimaffik Nuummut tamarmut, illoqarfiup immikkoortussaanut nutaamut Siorarsiorfimmuttaaq, pisoqartillugu pilertornerusumik ornigussinnaanermut qulakkeerinnittuuvoq, borgmesteri ilaatigut oqarpoq.
MT Højgaard qatserisarfimmik sanannittuussaaq, 2022-mi maajimi qatserisarfik atoqqaarfissiorneqarnissaa naatsorsuutigineqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
