Nuuk Saligaatsoq: Kina "Saliisutsialanngussava?"
Illoqarfiit pingaarnersaanni ukiumoortumik saliinissamut, Saligaatsoq, piffissanngorpoq. Pisiffik ukioq manna saliilluarnerpaamut gavekortimik tunniussissaaq.
Nuummiut marlunngornermi eqqakkanik aaqqaserlutik plastikkiusunillu puussiaaserlutik ukiumoortumik Saligaatsup ingerlanneqarnerani katersinissaannut piffissanngorpoq.
Ukiumoortumik saliisarneq piffissami matumani nunami sumiiffinni arlalinni ingerlanneqarpoq. Aasianni tallimanngormat eqqakkanik katersisoqarpoq, Ilulissanilu arfininngorpat aatsaat katersisoqassalluni.
Marlunngornermi Nuummi Qasigiannguanilu eqqakkanik katersisoqassaaq, Maniitsumilu pingasunngornermi katersisoqassalluni.
Nuummi suliffeqarfippassuit saliinermut peqataasartut, CSR Greenlandimit tusagassiorfitsigut nalunaaruteqarluni ilisimatitsissutigineqarpoq.
Pisiffik ilaatigut Blandt andet udlover butikskæden Pisiffik et gavekort på 1.000 kroner til den "Saliisutsialammut" gavekortimik 1.000 koruuninik nalilimmik tunniussissaaq. Unamisitsinermi suleqatit, ikinngutit saleeqatigisalluunniit assileriarlugit, sooq pineqartoq nersornaaserneqassanersoq allattoqassaaq, Saligaatsullu Facebookikkut qupperneranut assimik oqaasertaliussamillu ilanngussisoqassalluni:
- ”Saliisutsialak” tassaavoq inuk Saligaatsumut tunniussaqarluarsimasoq – eqqakkanik annertuunik katersinikkut, saleeqatigiinni ataqatigiinnermik nuannersumik tunniussaqarnikkut il. il., Pisiffik allappoq.
Saligaatsup Facebookikkut quppernerani takuneqarsinnaapput, illoqarfinni nunaqarfinnilu allani qaqugu saliisoqarniarnersoq.