Nuummi arnat iviangeqarnerupput
Nuummi arnat nunatsinni iviangeqarnerupput Kangerlussuarmiut arnartaat minnernik iviangillit, iviangequtinik tuniniaanermit paasisaq
Misissuinerup nutaap takutippaa nunatsinni arnat iviangeqarnerpaat Nuummiittut.
Kalaallit Nunaanni iviangeqarnerpaat tullii Sisimiuni naammattuugassaapput, angisuunik iviangillit amerlanerit pingajui Ilulissaniillutik.
Skandinaviami nittartakkakkut atisanik nutaalianik tuniniaasut miinto.dk, qaammatini qaangiuttuni iviangequtinik tunisaminnik misissuisimapput.
Tuniniaanermi unammillerneq pissutigalugu miinto.dk'ip Kalaallit Nunaannut tunisarisartakkamik kisitsisaatiminnik saqqummiusserusunngillat.
Taamaattumik imaassinnaavoq misissuineq pissutsinik piviusunik ersersitsinngitsoq, ivianequtilli angissusaat isiginiassagutsigit Danmarkimi illoqarfiit annersaat imminnut assersuukkutsigit Nuuk iviangeqarnerit aappaanniippoq.
Odensimi arnat iviangiisa nalaat 83,8 centimeteriupput iviangit C-skål, Nuummi arnat 81,2 centimeterinik angissuseqarput aamma C-skåliullutik.
Miinto.dk’p Kalaallit Nunaanni iviangequtit tunisaasa agguaqatigiissinnerat imaapput:
- Nuuk: Agguaqatigiissillugu 81,2 centimeter C-skål
- Sisimiut: Agguaqatigiissillugu 81,0 centimeter C-skål
- Ilulissat: Agguaqatigiissillugu 79,3 C-skål
- Aasiaat: Agguaqatigiissillugu 78,0 B-skål
- Qaqortoq: Agguaqatigiissillugu 77,5 B-skål
- Kangerlussuaq: Agguaqatigiissillugu 75,0 centimeter B-skål