Nuummi erngup matoqqanera sivitsorneqarpoq
Nuussuarmi innuttaasut arlallit ullaaq iterput imeqaratik.
Annonse
Nukissiorfiit Nuussuarmi imeqarfimmi imermik pumperummi ruujorit ilaat taarsersulersimavai. Taamaattumik ataasinngornerup januarip 19-iata unnuaani Nuup ilaani imeq matuneqarpoq. Pilersaarutigineqarsimagaluarpoq nalunaaqutaq 23.00 aamma ullaakkut 06.00 akornanni imeq matoqqassasoq. Ajoraluartumik Nukissiorfiit ruujorit ilaanni ilimaginngisaminnik ajornartorsiuteqalersimapput, svejseqqittariaqartunik. Tamatuma kingunerisaanik nalunaaqutaq 09.00 tungaamut sumiiffiit ilaanni imeqanngilaq.
Nukissiorfiit tamatuma atuisartuminut akornutaasinnaanera ajuusaarutigaa.