Nuummi iliveqarfimmi aserorterisoqartoq

Nuummi ilaqutaasut ippassaq iliveqarfik alakkaramikku alianartumik takusaqarput. Sanningasut tallimat arfinillilluunniit aserorterisunit ilisimaneqanngitsunit uppisinneqarsimapput.

Kommuneqarfik Sermersuumi materielgårdimi sulisut ajoqusernerit misissoqqammerpaat. Kommunip sanningasut piaarnerpaamik nappaqqinneqarnissaat pillugit ilagiit siunnersuisoqarfiat attaveqarfigaa.

Ullut arlaqanngitsut ingerlanerini ajoqusernerit iluarsineqarnissaat kommunip naatsorsuutigaa.