Nuummi imminornissamik sioorasaarisut
Sapaatip akunnerata naanerani niviarsiaq ukiukitsoq init quleriit tallimaannit imminut igeriunniarpoq, arnaq imminut ipitinniarluni angullu imaanut igeriunniarluni. Tamarmik aalakoorlutik.
Nuummi politiit inuit imminorniarlutik sioorasaarisut ulapputigisimavaat, tamanna politiit nalunaarusiaanni takuneqarsinnaavoq.
Arnaq inuusuttoq tallimanngormat unnuakkut Nuuk Imeq-p eqqaani imaanut avalappoq imminorniarluni. Politiit ambulancellu takkupput. Piffissap ingerlareernerani nammineerluni nunaliaqqippoq Nakorsiartarfimmullu unitsinneqarluni.
Niviarsiaq ukiukitsoq aalakoortoq tallimanngormat unnukkut inissiarsuarnit init quleriit tallimaannit imminut igeriulluni imminorniarluni sioorasaarivoq. Taamaasiorniarneranit unitsinneqarpoq Isumaginninnermillu pigaartunut tunniunneqarluni. Niviarsissap qanoq ukioqarnera vicepolitiinspektør Bent Heiselbergip oqaatdigiumanngilaa, taamaallaat 18-it inorlugit ukioqartoq oqaatigalugu.
Angut inuusuttoq aalakoortoq arfininngormat unnuakkut imminut imaanut igeirulluni imminornissaminik sioorasaarivoq. Politiinit biilerlutik angalaartunit ilaquttaminut angerlaanneqarpoq.