Nuummi Kangerlukasimmi Avannarlermi angallat ikuallappoq
Nivissat marluk ikuallannermut attuumassuteqarput, marluullutillu Sanamut innartinneqarlutik
Nuummi Politiit maannakkut nivissat marluk ajoqusersimanerat pissutigalugu killisiorsinnaanngilaat, ippassaq marlunngornermi unnukkut aqqarnup missaani Kangerlukasimmi Avannarlermi umiatsiat tulattarfiisa ilaanni umiatsiami ikuallannerup kingorna politiinit takuneqartut, politiassitent Johan Westen oqarpoq.
- Suli misissuivugut, paasiniarparput susoqarsimanersoq umiatsiallu taama sakkortutigisumik ikuallannera sumik peqquteqarnersoq, Johan Westen oqarpoq.
Polititi ilimatsaappaat naammaatoqarsimasinnaasoq. Maannagaarli suli oqaatigisinnaanngilarput ikuallannermut suna peqqutaanersoq.
- Sakkortuumik qaartoortoqarpoq. Tassaasinnaavoq gasip puua allaluunniit ikuallajasoq, Johan Westen oqarpoq, maannakkullu oqaatigisinnaannginnerarpaa nivissat qaqugu killisiorsinnaanerlugit.