millionæri
Nuummi lottortartoq 1,9 mio. koruuninik pinnattattoq
Iluatitsilluni Brugsenimi Nuummi kupon-imik pisisimasoq, Eurojackpot-imi 1,9 mio. koruuninik pinnassutigaa.
Nuumminngaanneersup sapaatip-akunnera uuma naanera allaanerusumik misigisaqarfigilluarpaa.
Pineqartoq, Eurojackpot-kuponeq Brugsenimi Nuummi pisiarisimasaa 1,9 mio. koruuninik pinnassutigaa.
Danke Spil tusagassiuutinut taama nalunaaruteqarpoq.
Pinnatassat annerit tullia inuit marluullutik avikkaat
Kisitsisit tallimanngornermi makitsissutigineqarput, pinnatassalli annersaat eqqorneqarsimanani. Taamaasilluni pinnatassaq annerpaaq sapaatip-akunnerata tulliani 290 mio. koruniinut qaffariarpoq.
Akerlianilli pinnatassat annersaasa tullia inunnit marlunnit avinneqassaaq, kupon-illu aappaa Brugsenimi Nuummi pisiarineqarsimalluni. Taannali kupon-eq massakkut 1.908.669 mio. koruuninik naleqarpoq.
Taakku pinnattut marluk pinnatarisimasaat 1,5 mio. koruunit sinneqarmata, Danske Spil-imit millionærinngortunut siunnersuisuinit siunnersorneqassapput.
Kikkorpiaat pinnassimanersut Danske Spil-ip suli ilisimanngilaa, taamaammat aningaasarpassuarnik pinnattut suli ilisimaneqanngillat.