Nuummi S aamma D-p suleqatigiinnisamik isumaqatigiissut atsiorpaat
Nuummi Siumut Demokraatillu ataasinngormat atsioqatigiipput.
Ataasinngormat Siumup Demokraatillu Nuummi kommunimi politikkimi nutaamik kapitaliorput suleqatigiinnissamik isumaqatigiissummik atsiuinermikkut. Tamanna pivoq Siumup IA suleqatigisatut soraarsereeraaalu, piffissami sivisuumi suleqatigiinnerup ingerlanerliorsimanerarta kingorna.
Isumaqatigiissutip iluani qulequttat pingaarutillit tallimat:
1. Kommunep aalisartunut piniartunullu sammisalinnik pikkorissartitsisalernissaq aallartissavai
2. Illoqarfitsinni namminersorlutik inuussutissarsiuteqartuusunut ammasumik attaveqaqatigiittarneq nukittorsarneqassaaq ilaatigut ”inuussutissarsiutillit siunnersuisartoqatigiiffiannik” pilersitsinikkut.
3. Meeqqanut inuusuttunullu pinaveersaartitsinerup suliniutigineqarnera annertusarniarparput taassuma ataani pinerlunniartartut pinaveersaaliiniarfigalugit ilaatillugit aammalu maligassiuilluarnikkut sunneeqataasartut suleqatigalugit.
4. Nuutoqqami aammalu Juullip inuata eqqaani immikkut ittumik pilersaaruteqarneq aallartinneqassaaq. Tassani inuussutissarsiuteqartut suleqatigalugit aammalu piniartut aalisartullu peqatigiiffiat suleqatigalugit takornarissat umiarsuarsuisa talittarfiattut inerisarneqarluni ornittakkatut aaqqissuuvigineqarneratigut.
5. Peqatigiiffiit nammineq piumassutsimik ingerlataasut kommunemiit eqqumaffiginiarneqalissapput. Kommune suleqataanerulernermigut akuunerulissaaq aammalu Katersortarfeqarnerup siunissami pitsanngorsaavigineqarneratigut aaqqissuisarnertigut.