Nuummi Sangoriami toqutsineq
Nuummi tallimanngormat unnukkut arnaq 43-nik ukiulik toqutaavoq.
Tallimanngornerup arfininngornerullu unnuaani nalunaaqutaq 00.30 Nuummi Nuussuarmi Sangoriami inissiarsuarniit ambulancemik ingerlatsisut akiutit qallerneqarsimasut annippaat.
Taassuma siorna politiit akunnerit pingasut missaanni misissuipput, takunnissimasoq oqaluttuarpoq.
- Politiit inissiami qaqortunik atisalerlutik kiinaquteqarlutillu sulisut takuneqarsinnaapput, ataatsillu qeqqata missaani portørit akiutit qallersimasut inissiamit annippaat Dronning Ingridillu Napparsimmavissuanut sukkalisaaratik ingerlallugu, takunnissimasoq oqaluttuarpoq.
Tallimanngormat unnukkut qulit qeqqani politiit nalunaarifigneqarput, oqaatigaallu suliaq toqutsinertut misissorlugu, arnarlu toqunneqartoq 43-nik ukioqartoq.
Nuup Eqqartuussiviani nalunaaqutaq 16 inatsit tunngaviusoq naapertorlugu killisiuisoqassaaq, unnerluutigineqartorlu arnaanersoq angutaanersorluunniit politiit nalunaarutigiumanngilaat.