Nuummi takornarissat sukisaarsaatigalugu aalisartinneqartalernissaat sulissutigineqartoq
Nuup Kangerluani avannarpasissumi 20 kvadratkilometerisut annertussuseqartup sukisaarsaatigalugu aalisarfissattut atorneqalernissaa sulissutigineqarpoq.
Sanarfinermut Avatangiisinullu Ingerlatsivik kommunimut pilersaarummut siunnersuutigaa, sumiiffik sukisaarsaatigalugu eqalunniarfigineqartussatut atorneqarsinnaasoq.
Siunnersuut ullumi Sanarfinermut Avatangiisinullu ataatsimiitaq ullumi ataatsimiinnerani saqqummiunneqassaaq, tammaarsimaarfinnik anginngitsunillu illuaqqanik nappaasoqarsinnaasoq, aamma allassimavoq.
Kommuneqarfik Sermersooq Inuussutissarsiornermut Nukissiuutsinullu Naalakkersuisoqarfik aqqutigalugu sumiiffik takornarissanut sukisaarsaatigalugu aalisarfittut atorneqarnissaa pillugu qinnuteqaatinik tigusaqarsimavoq.
Inassuteqaammi allassimavoq, illuaqqiorsinnaanissamik periarfissaqartitsinissaq , taamaattorli 60 m²-imit anginerussanani, ataatsimoortut katillugit amerlanerpaamik illuaqqat sisamaasinnaassallutik.
- Suliffeqarfik sumiiffimmik akuersissutaateqaleraangat, ass. kooqarfimmi, taava suliffeqarfik taanna sumiiffimmi pineqartumi suliamut aalajangersimasumut kisermaassisuussaaq. Sumiiffimmi tassani piffissami tassani allatigut suliaqartoqarsinnaavoq, ass. pisunneq, piniarneq, qaqqatigut sikkilerneq il.il. Aamma najugaqavissut kuummut aalisariarsinnaatitaapput. Taamaattorli suliffeqarfiit allat inuussutissarsiutigalugu takornarissanut aalisartitsinermik tassani imaluunniit sumiiffiup nalaani ingerlatsisinnaanngillat, inassuteqaammi allassimavoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...