Nuup Mittarfia suli matoqqavoq
Air Icelandip timmisartuutaa ajutoorsimasoq illuarneqarsinnaalerpoq, ilisimaneqanngilarli tamatuma qaqugu pinissaa
Islandimiut timmisartuutaat peerneqartinnagu Nuup Mittarfia atorneqaqqusaanngilaq, Mittarfeqarfiit pisortaat Niels Kreutzmann nalunaarpoq.
- Havarikommissionip (ajutoortoqartillugu misissuisartut) maannakkut akuersissutigaat islandimiut timmisartuutaat Nuummi mittarfimmi ajutoorsimasoq nuunneqarnissaa, Niels Kreutzmann ilisimatitsivoq.
- Timmisartup nuunneqarnernissaa piumasaqaataavoq Angalannermut Aqutsisoqarfiup Nuup Mittarfiata timmisartunut suluusalinnut ammaqqinneqarnissaanut. Maannakkut Mittarfeqarfiit paasiniarpaat qanoq aamma qaqugu timmisartup ajutoorsimasut peerneqarnissaa, oqarpoq.
Tamanna pissutigalugu Nuup Mittarfia suli timmisartunut suluusalinnut aallarfigineqarsinnaanera aamma miffigineqarsinnaanera suli matoqqavoq. Mittarfeqarfiit ilisimatitsissuteqassapput mittarfiup ammarneqarnissaa pillugu paasissutissanik nutaanik peqatoqarniariarpat, Niels Kreutzmann ilisimatitsivoq.