Nuup talittarfiani uuliakoortoqartoq
Sisamanngornermi ulloqeqqareersimalersoq uuliamut poorineqartartoq 800 liiterimik imaqartoq Nuummi talittarfimmi sakattoorneqarluni imaanut nakkartinneqarpoq. Uulia 700 liiteri imaanut siaruarsimavoq, maannalu katersorneqalereerluni.
Nuummi upalungaarsimasut maannakkorpiaq Nuummi talittarfimmi imaani uuliakoornernik katersuileruttorput.
Saliinermi ataqatigiissaarisoq, upalungaarsimasut pisortaata tullia, Jens Mikkelsen Sermitsiaq.AG-mut ilisimatitsivoq saliilluni suliaqarneq akunnerni marlunni ingerlarsimalereersoq.
- Piaarinaatsoornermi nappartaq uuliamik 800 liiterimik imalik imaanut nakkartittoorneqarsimavoq. Uulia 800 liiteriusoq, 700 liiteri imaani mingutsitsivoq, Jens Mikkelsen Sermitsiaq.AG-mut ilisimatitsivoq.
Saliineq ualimut naammassissasoq
Ajutoorneq sisamanngornermi nal. 13.00 missaani pisimavoq.
Jens Mikkelsen ilisimatitsivoq uulia tamakkerlugu katersorneqarsimalertoq, ualilerneranilu assartuutinik milluaatilinnit imaaniit milluarneqassasoq.
Sumiiffimmi ingerlaarfik maanna assersorneqarsimanngilaq.
- Naatsorsuutigaarput suliaqarnerput, tassa uuliakoornermik saliinerput, ualilluinnarnerani naammassissapput, Jens Mikkelsen Sermitsiaq.AG-mut oqaluttuarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...