Nuussuarmi savilersortoq
Angut 21-inik ukiulik tallimanngormat tigusarineqarpoq, pagginnerminni angut 39-inik ukiulik savimmik saassummagu.
Annonse
Taamatut paasissutissiivoq Nuummi politiini pigaartoq.
- 39-inik ukiulik marloriarlugu ikilerneqarpoq. Ilaatigut alleqqumi talerpia'tungaani 10 centimeteritut takitigisumik ikilerneqarpoq, ilaatigullu isimi saamerliup eqqaagut ikilerneqarluni. Tamanna erloqinartuuvoq, angulli inuunerminik ulorianartorsiunngilaq, pigaartoq pasissutissiivoq.
Pagginnermut suna pissutaanersoq politiit suli paasisimanngilaat, tamannali pimmat inuit taakkua marluullutik aalakoorsimapput, pigaartoq oqarpoq.
21-inik ukiulik arfininngormat inatsisit tunngaviusut malillugit killisiorneqarpoq.
Taanna persuttaasimasutut aserorterisimasutullu unnerluutigineqassaaq, tassa tigusarineqarnerminut atatillugu politiit biiliisa igalaavat aserorsimammagu.