Nuutoqqami nutaamik sanaartortoqalersoq
Sanaartugassatut siunnersuutigineqartoq 1680 m2-it missaannik angisussuseqartussaq ilaatigut unnuisarfeqarlunilu ullaakkorsiortarfeqassaaq, saqqummersitsiveqarluni neriniartarfeqarlunilu.
Sanaartugassatut pilersaarutigineqartoq malillugu Nuutoqqami nunaminertaq atorneqanngitsoq atorniarneqarpoq, pilersaarullu maannakkorpiaq tusarniaassutigineqarluni.
Sanaartorniagaq unnuisarfeqarlunilu ullaakkorsiortarfeqassaaq, saqqummersitsisarfeqarluni neriniartarfeqarlunilu, aamma siunnersuutigineqarpoq, pisuinnaat aqqutaat kommunip suliaritissimasaa tallineqassasoq.
- Ullumikkut sumiiffik Nuutoqqap aamma Sineriak atuarlugu pisuinnaat aqqutaata akornanni iliuuseqarfiunngitsutut soqanngitsutut ippoq. Sineriak atuarlugu pisuinnaat aqqutaata ingerlaffia aqqutigalugu Nuutoqqami Kulturi Pinngortitamut attavilernissaanut piukkunnaat annertorpaseqaaq, tassaassaarlu suliniummi sulissani pingaarnerpaaq, suliffeqarfik pilersaarusiorsimasoq qinnuteqaammini allappoq.
Sanaartugassap takussutissartaatut titartarneqarsimasoq tulliuttumi takuneqarsinnaavoq:
Inuinnaat aqqutaat sanaartugassatut nutaatut siunnersuutigineqartup tungaanut tallineqarnissaa matumani siunertarineqarpoq, tamannalumi takussutissiarineqartumi siulianiittumi takuneqarsinnaavoq.
Illutai toqqavinnut ataasiakkaanut kivinneqassapput. Bygningerne vil blive hævet op over terrænet på stolper. Init 17-it 27-llu akornanni amerlassusseqartussat unnuisarfiullutillu ullaakkorsiortarfeqassapput.
Sanaartorniakkat aamma kulturikkut immikkuualuttunik arlalinnik ilaqartinneqassapput. Pilersaarutaavoq neriniartarffup aamma unnuisarfiullunilu ullaakkorsiortarfiup isaariaata eqqaani "saqqummersitsisarfimmik kalaallit eqqumiitsuliaannik saqqummersitsigallartarfissaannik" pilersitsisoqassasoq.
- Saqqummersitsisarfik tamanut ammassaaq aamma saqqummersitat eqqumiitsulianut pisuinnaat aqqutaannit takuneqarsinnaassapput, pilersaarummi allassimavoq.
Sineriak atuarlugu pisuinnaat aqqutaat eqqumiitsulianut pisuinnaat aqqutaannut tallineqassasoq siunnersuutigineqartoq
Illutassani saqqummersitsisarfeqarnissap saniatigut eqqumiitsulianut pisuinnaat aqqutissaannik sanasoqassasoq aamma pilersaarutigineqarpoq.
Sineriammi atuarlugu pisuinnaat aqqutaanni qiperukkanik arlalinnik ikkussuisoqassaaq:
- Najukkami - kalaallit eqqumiitsuliortut - inuusuttuunerusut suleqatigalugit qinnuteqartup sineriak atuarlugu pisuinnaat aqqutaat eqqumiitsulianut pisuinnaat aqqqutinniarpaa. Pisuinnaammi aqqutaanni qiperukkanik ataavartussanik ikkussuisoqarniarpoq, taakkulu qisummit saqisaartarfiliamit isiginnaarneqarsinnaasunik, qinnuteqartumit ilisimatitsissutigineqarpoq.
Taxanik ingerlaartoqarnerulissasoq
Sanaartornerup kingunerisinnaasaasa ilagaat sumiiffimmut sumiiffimmiillu taxanik ingerlaartoqarnerulernissaa. Tassunga atatillugu nalilerneqarsimavoq, ullup unnuallu ingerlanerani inimit ataatsimiit ullormut ataasiarluni ingerlaartoqartassasoq.
Tassa assersuutigalugu ullaakkut arfineq-marluniit unnukkut qulit tungaanut nalunaaquttarp akunneranut taxat marlungajaat ingerlaartassapput.
Tamatuma saniatigut neriniartarfimmut taxartoqartassaaq suliffeqaffimmilu sulisut taxartassallutik. Ataatsimut tamaasa isigalugit nalilerneqarpoq, nalunaaquttap akunneranut taxat tallimat ingerlaartalissasut.
Inissiaatileqatigiiffik suliniuteqartoq
Suliffeqarfik suliniuteqartoq tassaavoq "A/S PSE 14 nr. 1197". Nalunaarssuiffik CVR naapertorlugu suliffeqarfik taaneqartarpoq Ejendomsselskabet Nanoq.
CVR naapertorlugu ingerlatseqatigiiffimmit anguniagaavoq, illuutinut aalajangersimasunut aningaasaliissuteqarnissaq, suliffeqarfinnut attartortitsisarnissaq, pappialanut nalilinnut niuermillu ingerlatsisunut aningaasaliissuteqartarnissaq.
Ingerlatseqatigiiffiup naatsorsuutaas kingulliit takutippaa, suliffeqarfik 87 millioner koruunit nalingannik illuutinut aningaasaliissuteqarsimasoq. Nammineq aningaasaatai 25 millioner koruuninut naatsorsorneqarsimapput.
CVR naapertorlugu ingerlatseqatigiifgfimmik piginnittuupput Peter Bach aamma Palle Bach Thorsgaard Christensen.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...