Obamap nunap inoqqaavi tapersersorpai
USA-p Naalagaaffiit Peqatigiit Nunat Inoqqaavisa Pisinnaatitaaffii Pillugit Nalunaarutaat akuersaalersaarpaa.
USA-mi eqqillit siunissaat allanngorluinnartussaavoq. Pitsaanerulernissaanik isikkoqarpoq.
Naalagaaffiit Peqatigiit Nunat Inoqqaavisa Pisinnaatitaaffii Pillugit Nalunaarutaat apriilimili eqqarsaatigereerlugu præsident Barack Obama ullumi oqarpoq:
- Nalunaarutigisinnaavata USA-p Nalunaarut tapersersormagu, Illorsuarmit Qaqortumit allakkiaq naapertorlugu Barack Obama oqarpoq.
Obamap oqaatigaa kingusinnerusukkut Nalunaarutip atsiorneratigut allannguutissat suussanersut itisilerumaarlugu.
Inoqqaavisa Pisinnaatitaaffii Pillugit Nalunaarutip anguniagaraa inuit nammineernissaminnut pisinnaatitaaffeqarnissaat, nunaminni pinngortitallu pisuussutaanik piginnittuusinnaallutik taakkulu namminneq aqussinnaallugit, oqaatsitik, kulturi piiutsillu allat pillugit aalajangiinernut tamanut peqataanissaminnut pisinnaatitaaffeqarlutik. Nalunaarulli nunanut ilaasortaasunut namminermini pituttuisuunngilaq.