Odensemi inuiattut ullorsiornissaq
Nunatsinni inuiattut ullorsiorneq Odensemi nalliuttorsiutigineqalerpat Kalaallit illuani ullaakkorsioqatigiittoqariarluni rådhusip tungaanut ingerlaaqatigiittoqarumaarpoq
Nalliuttorsiorneq Odensemi Kalaallit illuanni ullap tungaani nal. 9:30 ullaakkorsioqatigiinnermik aallarneriarlugu peqataasut erfalasulisaarlutik erinarsuutigalutik illoqarfikkut ingerlaaqatigiissapput. Ingerlaaqatigiit Odensep Rådhusiata nalliuttorsiortarfiani katersuutsinneqarumaarput tassani Rådhusermiu Peter Rahbæk Juel oqalugiariarluni Maliina L. Lyberth kalaallit ilinniagaqartut sinnerlugit oqalugiarumaarpoq.
Rådhusimi katerisimaartoqareerpat Thue Christiansenip eqqumiitsuliaanik saqqummersitsineq Kalaallit illuanni ammarnersiorneqarumaarpoq, Thue Christiansenillumi erfalasutsinnik pilersitsisuusimanera aamma tusaamasaassutigaa. Thue Christiansenip saniatigut Martha Abelsen KANUKOKA-mi siulittaasuusoq aamma oqalugiarumaarpoq.
Nalliuttorsiorneq nanginneqalerpat kaffillertoqarumaarpoq lagkagellertoqassallunilu. Christian Søgaardip Pingasuusartui nal.14.30 qittattitsereerpata nal. 16.00 Odensemi kalaallit peqatigiiffiata Umiap nalliuttorsiornerit nangikkumaarpaat.
Jyllandimi kalaallit peqatigiiffii allat aamma inuiattut nalliuttorsioqataajumaarput.