Odensemi Kalaallit Illuanni juullisunni
Kalaallit Illuanni Odensemiittumi Café Allu juullisunnippoq, soqutiginnittullu tamarmik inimut juullerpalaartumut tikilluaqquneqarput.
Ippassaq sisamanngornermi juullimut pinnersaasiortoqarpoq, decembarillu 21-ani juullimut kaageeraliornissaq pilersaarutaalluni. Café nammineq kajumissutsiminnik sulisunit ingerlanneqarpoq, sisamanngornerillu tamaasa juulli pilersaarutiniittarpoq.
Decembarip 14-ani juullip orpiliaa Odensemi nalliuttorsiutaassaaq, kalaallit erinarsoqatigiivi Vejlemeersut tikeraassallutik. Orpik kaavinneqassaaq, juullisunnitsunik tamussiussassaqarumaarpoq minnerillu juullimut tunissutissamik tunineqassapput puussiamillu mamakujuttunik tunineqassallutik.
Nissimaaq takkutissanerluni?
- Suli eqqoriaruminaappoq, immaqali juullip inua takkutissaaq, Kalaallit Illuat Sermitsiaq.AG-mut paasissutissiivoq.
Emma Balslev, kalaaleq palasi soraarneq, Fynimeersoq, juullip orpiliaata nalliuttorsiutaaneranut peqataajartussaaq, juullillu iivangkiiliuanit atuffassissalluni.
- Decembarip 28-ani Café Allu ammassaaq, taamaattumik Odensemi umiarsualivimmiittumi Atlantikup avannaamiuisa illuutaannut alakkarterikutsoorniarisi, taakku kaammattuipput.