Ole Dorph Ilulissani ajugaavoq
Siornatigut Ilulissani borgmesteri Ole Dorph politikkimi akuulluaqqilerpoq
Ole Dorphip Siumumeersup Qaasuitsup Kommuniani kommunalbestyrelsemut qinigaanini qulakkeerpaa.
2005-ip kingorna politikkikkut peqataasimanngilaq taamanikkut qinigassanngorteqqinniarani aalajangerami inuussutissarsiornermi takornariartitsisutut angalatitsisutullu ingerlatsineq aallunniarlugu.
Ole Dorph Ilulissani 376-nit taaguunneqarpoq parteeqataa Palle Jeremiassen 203-nit taaguunneqartoq.
Ole Dorphip taaguunneqarluarnermik kingorna Qaasuitsup Kommuniani partiit suleqatissarsiorneranni borgmesterissatut piukkussatut tikkuarneqarataannanngorpoq oqaloqatigiinnerit pingasunngornermi aallartippata.
Angusarluttoq
Maanna borgmesteriusoq Jess Svane Siumumiit qinigaaqqippoq taannali Qasigiannguani ’178—iinnarnit’ taaguunneqarpoq. 2008-mi qinersinerup kingorna Siumumi taaguunneqarnerpaaq borgmesterissatut sassartinneqarpoq.
Siornatigut Ilulissani borgmesteri Anthon Frederiksen Kattusseqatigiit Partiianneersoq ingerlanerliorpoq. Taanna Ilulissani ’124-iinnarnit’ taaguunneqarpoq 2008-mi 580-nit taaguunneqarluni.