Oqaasileriffiup immikkoortua millionit sinnerlugit akeqassaaq
Aningaasat suli akuersissutigineqarsimanngitsumit, tiguneqassapput. Taamaaliornikkut inatsisartut sallunaveeqqutitut tigusarineqarput, Demokraatit isumaqarput.
Nuummi Oqaasileriffiup immikkoortuata ingerlanneqarnera ukiumut 1,2 millioner koruuninik akeqassaaq.
Tamanna takuneqarsinnaavoq naalakkersuisunut ilaasortap Tommy Marøp, Siumut, Demokraatit inatsisartunut ilaasortaatitaannut Lene Knüppelimut akissutaani.
Immikkoortoqarfik millionip affaanik isertitaqartartussaammat naalakkersuisup 2008-mut aningaasanut inatsimmi saniatigut 700.000 koruunit immikkoortinniarpai.
Taamaasiornikkulli Inatsisartut sallunaveeqqutitut tigusarineqassapput, Demokraatit isumaqarput. Tassami aningaasanut inatsit suli akuersissutigineqanngilaq. Allaammi Inatsisartuni oqaluuserineqarsimanani.
– Isumaqarpupnga naalakkersuisut taamatut nalunaaruteqarnermikkut piffissaanngitsukkut Inatsisartut tatigaat oqaasileriffiup immikkoortoqarfianut akuerseqqullugit, aningaasanut inatsisissaq suliluunniit oqaluuserinngikkipput, Lene Knüppel oqarpoq.
Taassuma Sermitsiamut erseqqissarpaa akerlerinagu oqaasileriffiup sulinerata Nuummi allineqarnissaa.
Naalakkersuisunut ilaasortap Tommy Marøp eqqunngitsuunerarpaa Inatsisartut sallunaveeqqutitut tiguneqarsimasut.
– Inatsisasrtut namminneq kissaatigisimavaat Nuummi immikkoortoqarfiliortoqarnissaa, Tommy Marø oqarpoq.
Sermitsiami atuaruk.