inuit taasinerat
Oqalliseqataasartoq: Nunarput EU-mut tunngasumik taaseqataannginnissaa kukkuneruvoq
Naalagaaffeqatigiinneq taasinissamut ilanngunneqanngilaq. Tassa naalagaaffeqatigiinnerup iluani tamakku aporaaffiit pilersittarpai, naalagaaffeqatigiinnermut tunngasunik oqalliseqataasartoq taama isumaqarpoq
EU-mi inatsisinut nangaassuteqarnermut tunngasumik qallunaat decemberip 3-ani taasissapput.
Kalaallit Nunaat aamma Savalimmiut taasinermut peqataassanngillat.
Tamanna kukkuneruvoq, naalagaaffeqatigiinnermut tunngasunik oqalliseqataasartoq, Nauja Lynge isumaqarpoq.
Aporaaffiit
Taanna isumaqarpoq, inatsisunut nangaassuteqarnermut tunngasoq naalaagaaffeqatigiinnermi aporaaffinngoratarsinnaasoq.
- Naalagaaffeqatigiinneq taasinissamut ilanngunneqanngilaq. Tassa naalagaaffeqatigiinnerup iluani tamakku aporaaffiit pilersittarpai. Naalagaaffeqatigiit akornanni immitsinnut eqqarsaatiginissaq puigortarparput. Tamakku kukkuneeqqat iliuuseqarfigiuminaallisarput, Nauja Lynge allappoq.
Taassuma tikkuartorpaa, piffissap takutiinnarumaaraa, Nunatsinnut aamma Savalimmiunut piffissap ilaani Danmark inatsisitigut oqartussaasunngussasoq.
Allannguutit ajornakusoortut
- Suliat annikinnerusulluunniit nunami namminersortumi politikerit kamassutigikkajuttareerpaat. EU-p inatsisit sorliit Danmarkimi atuutissanersut aalajangerpagit, qallunaallu politikeriisa Kalaallit Nunaanni aamma Savalimmiuniinnaq atuuttussanik aalajangersaappata takorlooruminarpoq, Nauja Lynge erseqqissaavoq, nangillunilu:
- Kalaallit Nunaanni aamma Savalimmiuni tamanna kamaatigineqarnissaa qularnanngilaq. Assigiinngitsunik pisoqariaannaavoq, taanna allannguut ajornakusoortunngortillugu, oqalliseqataasartoq taama oqarpoq.
Atuaruk: 'Nammineq qinersinermik aaqqissuussinikkut Danmarki Savalimmiullu aporaatilissapput'