KL

DK

Oqalugiarnerit erinarsoqatigiinnerillu: Tunngaviusumik inatsisissamut siunnersuut persuarsiornartumik saqqummiunneqartoq

Tunngaviusumik Inatsisissaq pillugu Isumalioqatigiissitat Kalaallit Nunaannut namminiilivissimasumut tunngaviusumik inatsisissatut siunnersuut Inatsisartunut pisortatigoortumik tunniuppaat. Aaqqissuussinermit assit matumani takukkit.

Tunngaviusumik inatsisissaq pillugu Isumalioqatigiissitat siulittaasuat, Ineqi Kielsen, Naalakkersuisut siulittaasuat, Múte B. Egede aamma Inatsisartut siulittaasuat Kim Kielsen oqalugiassapput.
Saqqummiussineq qilaatersorluni qullermillu ikitsilluni aallarnerneqarpoq.
Naalakkersuisut siulittaasuat Mùte B. Egede (IA) tunngaviusumik inatsisissamut siunnersuutip saqqummiunneqarnerani oqalugiarpoq.
Inatsisartut siulittaasuata Kim Kielsenip (S) tunngaviusumik inatsit pillugu oqallinnermik inuusuttut ingerlatitseqqittariaqarnerannik pingaartitsivoq.
Erinarsortartoq atuakkiortorlu Juaaka Lyberth aaqqissuussinermi aamma erinarsorpoq.
Aaqqissuussineq erinarsoqatigiinnermik naggaserneqarpoq.
Naalakkersuisut siulittaasuat Mùte B. Egede (IA) tunngaviusumik inatsisissamut siunnersuutip saqqummiunneqarnerani oqalugiarpoq. Sermitsiaq.AG / Merete LindstrømInatsisartut siulittaasuata Kim Kielsenip (S) tunngaviusumik inatsit pillugu oqallinnermik inuusuttut ingerlatitseqqittariaqarnerannik pingaartitsivoq. Sermitsiaq.AG / Merete LindstrømErinarsortartoq atuakkiortorlu Juaaka Lyberth aaqqissuussinermi aamma erinarsorpoq. Sermitsiaq.AG / Merete LindstrømAaqqissuussineq erinarsoqatigiinnermik naggaserneqarpoq. Sermitsiaq.AG / Merete LindstrømTunngaviusumik inatsisissaq pillugu Isumalioqatigiissitat siulittaasuat, Ineqi Kielsen, Naalakkersuisut siulittaasuat, Múte B. Egede aamma Inatsisartut siulittaasuat Kim Kielsen oqalugiassapput. Merete Lindstrøm / Sermitsiaq.AGSaqqummiussineq qilaatersorluni qullermillu ikitsilluni aallarnerneqarpoq. Merete Lindstrøm / Sermitsiaq.AG Merete Lindstrøm / Sermitsiaq.AG Merete Lindstrøm / Sermitsiaq.AGNaalakkersuisut siulittaasuat Mùte B. Egede (IA) tunngaviusumik inatsisissamut siunnersuutip saqqummiunneqarnerani oqalugiarpoq. Sermitsiaq.AG / Merete LindstrømInatsisartut siulittaasuata Kim Kielsenip (S) tunngaviusumik inatsit pillugu oqallinnermik inuusuttut ingerlatitseqqittariaqarnerannik pingaartitsivoq. Sermitsiaq.AG / Merete LindstrømErinarsortartoq atuakkiortorlu Juaaka Lyberth aaqqissuussinermi aamma erinarsorpoq. Sermitsiaq.AG / Merete LindstrømAaqqissuussineq erinarsoqatigiinnermik naggaserneqarpoq. Sermitsiaq.AG / Merete LindstrømTunngaviusumik inatsisissaq pillugu Isumalioqatigiissitat siulittaasuat, Ineqi Kielsen, Naalakkersuisut siulittaasuat, Múte B. Egede aamma Inatsisartut siulittaasuat Kim Kielsen oqalugiassapput. Merete Lindstrøm / Sermitsiaq.AGSaqqummiussineq qilaatersorluni qullermillu ikitsilluni aallarnerneqarpoq. Merete Lindstrøm / Sermitsiaq.AG Merete Lindstrøm / Sermitsiaq.AG Merete Lindstrøm / Sermitsiaq.AG
thomas munk veirum

Nuummi Ilimmarfik tallimanngornermi ullup-qeqqata siornatigut Kalaallit Nunaannut tunngaviusumik inatsisissamut siunnersuummik Inatsisartunut tunniussiuvoq.

Tunniussineq Tunngaviusumik Inatsisissaq pillugu Isumalioqatigiissitat sulinerani pisut qaffasinnerpaaffigaat, pisorlu iluatsillugu siunnersuut tamanut saqqummiunneqarpoq, innuttaasunit suliaq aamma paasisaqarfigineqarsinnaaniassammat.

Naalakkersuisut tunniussinissamut pisussatut pilersaarutit ataani takuneqarsinnaasut nalunaarutigisimavaat. Tassani takuneqarsinnaavoq, Tunngaviusumik Inatsisissaq pillugu Isumalioqatigiissitat siulittaasuat, Ineqi Kielsen, fNaalakkersuisut siulittaasuat, Múte B. Egede aamma Inatsisartut siulittaasuat, Kim Kielsen, oqalugiassasut.

Isumalioqatigiissitat siulittaasuat oqalugiartoq

Aaqqissuussineq qilaatersornermik qullermillu ikitsinermik aallarnerneqareermat Ineqi Kielsen oqaluttarfimmut qaqivoq.

Ilaatigut tunngaviusumik inatsisissamut siunnersuummik suliaqarnermi peqataasimasut tamaasa qutsavigai.

- Inuiaqatigiittut tunngaviusumik inatsisissaq pillugu oqallinnerput maanna aallartitsigut. Tamatta isummernissarput suliamullu peqataanissarput pingaaruteqarpoq. Nipituuliunngitsut aamma tusaaneqarnissaat inissaqartinneqassaaq, Ineqi Kielsen ilaatigut oqarpoq.

Ineqi Kielsen oqalugiareermat Josef Lund Josefsenip "Inuiaat Kalaallit" erinarsorpaa.

Josef Lund Josefsenip erinarsorpaa "Kalaallit Inuiaat".

Múte B. Egede: Akisussaaffigivarput

Ineqi Kielsen oqalugiareermat Naalakkersuisut siulittaasuat, Múte B. Egede, tullinnguuppoq.

Taassuma tunngaviusumik inatsisissamik suliaqarsimaneq aamma qujassutigaa nunallu qanoq ingerlateqqinneqarnissaanut tunngaviusumik inatsisissap tikkuussinissaa pingaartillugu:

- Siulivummi nunami maani peqqarniissinnaasumi ukiorpassuarni najugaqarsimapput. Uagullu nunami maani kingoqqisuusugut soorunalimi nunarput qanoq ilusilersorneqassanersoq akisussaaffigivarput.

- Tunngaviusumik inatsit inuiattut siunissatsinnut tunngavissiivoq. Inuiattut ataatsimoornitsinnik avammut takutitsisussaq nunaqqatigiillu akunnitsinni akaareqatigiinnitsinnik ataatsimoornitsinnillu pilersitsisussaq, Múte B. Egede oqarpoq.

Kim Kielsen: Inuusuttut oqallinneq ingerlateqqissavaat

Inatsisartut siulittaasuat, Kim Kielsen (S), aamma oqalugiarpoq.

Tunngaviusumik inatsisissaq pillugu isumalioqatigiissitanik pilersitsinissaq aalajangiunneqarmat Kim Kielsen Naalakkersuisunut siulittaasuuvoq. Taassuma oqalugiarnermini erseqqissaatigaa, tunngaviusumik inatsit kinguaariinnik tullinnguuttussanik isiginninniassasoq, inuusuttullu oqallinneq ingerlateqqittariaqaraat:

- Oqallinneq innuttaasuni inuusuttunit ingerlateqqinneqassaaq, taakkuuppummi suliap ingerlateqqinneranik kivitsisuusussat.

- Tunniussinissut qujanaq. Maanna isumaliutissiissutip imarisaanik ilisimasaqalernissamut isummersorfiginissaanullu tamatta periarfissaqalerpugut. Siunissaq pillugu suliaqarnissamut sakkussaqalerpugut suli allamik aamma maannakkut uniinnassanngilagut, Kim Kielsen oqarpoq.

Kim Kielsen oqalugiartoq.

Aaqqissuussinermut pisussat allassimaffiat ima isikkoqarpoq:

inuiagatigiit politikki nunatsinnit
Powered by Labrador CMS