Ove Karl: Aatsitassat tungaatigut ajornartorsiuteqanngilanga
Aatsitassarsiornermi suliniutini 89-ini pingasut taamaallaat uranisiortoqanngivinnissaanik eqqorneqarput.
Inuit Ataqatigiinniit Ove Karl Berthelsen aatsitassanut naalakkersuisut sulini iluareqaa: Aap, suliffeqarpunga unamminartorpassualimmik.
Tassaavoq Siumumiit Karl Lyberth Inatsisartut apeqqarissaarneranni toqqaannartumik aperisoq: - Illoqarfinni suliffissaqartitsisussanik nunattalu karsianik isaatitsiffiusussanik aatsitassanik piiaanissamut naaggaarneq qanoq ippa?
– Aasaq Qornumi ataatsimiinnermi Naalakkersuisut aalajangerpaat uranimik allanillu ulorianartunik qinngorneqartunik piiaanissaq 1988-miilli aalajangerneqartoq attatiinnarneqassasoq, Ove Karl Berthelsen oqarpoq.
Nunatsinnili aatsitassarsiornissamut uranisiortoqanngivinnissaanik aalajangiussisimaneq akornutissaqarsorinngilaa: Akuersissutini 89-ini taamaallaat pingasut taassumunnga attuumassuteqarput (Kuanenrsuit, kujataani Motzfeldtip tasia kiisalu Kangelrussuarmi Sarfartooq).
Nalunaarusiortoqarpoq
Ove Karl Berthelsenip aamma Atassummiit Siverth K. Heilmann neriorsorpaa, naalakkersuisunut ilaasortat Kommunilu kujalleq qanittukkut Canadami uranisiorfimmik takusaallutik angalanerat pillugu nalunaarusiortoqassasoq.
Siverth K. Heilmann isumaqarpoq Canadamut angalasimernermit misilittakkat uranitalinnik piiaanermi navianartoqarneranik qulaajaasoqassasoq, Ove-Karl Berthelsenili isumaqarpoq uranimik uranitalinnillu piiaanissaq piffissaanngitsoq. Canadami uranisiorfimmi 850-inik nakkutilliisoqarpoq, ullumikkullu nunatsinni Narsap eqqaani uranisiornissami nakkutilliisussanik taamaattunik pissaqanngilagut. Ullumikkut aalajangiinissatsinnut piareersimanngilagut.
Apeqqarissaartoqarnerani Ove Karl Berthelsen uranilu pillugu oqallittut allat novembarip 10-anut qilanaarput, nunatsinni aatsitassarsiortoqarsillugu piiarneqartut 0.1 procentimik uranitaqarsinnaanerannut tunngatillugu Siumup siunnersuutaata oqaluuserineqarnissaanut qilanaarput.