Paamiuni siku Royal Arctic Linemut ajornartorsiortitsivoq
'Irena Arctica' Paamiunut apuutinngitsoorpoq, umiarsualivik kassunik angisuunik ilulissanillu milissimammat. Irena Arctica Nuummut sapaatiummat ullaakkut tikiffigisaminut ingerlaannarpoq.
Annonse
Akerlianik 'Pajuttaat' umiarsualivimmut pulavoq, sikut angisoorsuit marluk 19 meterinik akunneqarmata. Irena Arctica 22 meterinik silissuseqarami iluatsinngitsoorpaa.
Pajuttaat containerinik Irena Arcticap nassataraluinik sapinngisamik amerlanerpaanik nassarpoq. Nassiussat Paamiuliartut Irena Arctica nassatai umiarsuarmut kujammukartumut tullermut ilaatinneqassapput.