Paaqqinninneq sipaarfiginagu
Nalinginnaasumik paaqqinninneq, napparsimasut isumalluutigisaat sipaarfiginagu. Sipaarniartoqassappat assersuutigalugu allaffissornermut missingersuutit sipaarfigineqarlik. Peqqissaasut kattuffianni PK-mi siulittaasoq Karin Holler oqarpoq.
Annonse
Taamatut qisuariarpoq paasinarsimmat peqqinnissaqarfik 2010-mi 40 millioner koruuninik sipaarniuteqassasoq.
Aningaasat nassaarineqassapput ilaatigut sulisut ikilisinnerisigut kiisalu sulisunut pigaartunut aningaasartuutit ikilisinnerisigut.
- Sipaaruteqarnissaq tupigusuutigaara. Peqqinnissaqarfimmi pingaarnerusumik suliassaqarfiit, katsorsaaneq paaqqinninnerlu sipaarniarfigineqarput, allaffik allaffissornerlu annertusisartortut. Tamannalu immikkoortoqarfinni ataasiakkaani peqqissaasut atugassarisaannik eqquivoq, Karin Holler oqarpoq.
Sermitsiaq Inuussutit atuaruk.