Paasisassarsiorluni angalaneqaningaasanik atuilussinnarneruvoq

Millionip affai sinnerlugit maangaannartinneqarput, politikerit Nunavut-mut Nanavik-mullu telemedicinimik paasisassarsiorlutik angalammata.

?Saamerlernit: Sofie Schultz Risager (oqalutsi), Agusta Marie Jeremiassen (ministerip allattaa), Lene Knüppel (D), Bibi Mikarlsen (ataatsimiititaliami allatsi), Leanna Elisworth (Nunavut-imi nunap iluani pissutsinut allaffimmi atorfilik), Aqqalu Abelsen (A) (llaqutariinnermut Peqqinnermullu naalakkersuisoq), Ane Hansen (IA), Ole Thorleifsen (S), Godmand Rasmussen (A), Vittus Mikaelsen (S), kiisalu Raj Downe (Nunavut-mi Peqqinnermut Isumaginninnermullu Naalakkersuisoqarfiup pisortaata allattaa).

netredaktion (netredaktion@sermitsiaq.ag)

Published 24 July 2008 - 07:02

Annonse

Aningaasanik atuilussinnarneq.

Peqqinnermut ataatsimiititaliap Nunavut-mut Nunavik-mullu angalanera taamatut nalilerneqarpoq. Siunertaasimavoq telemedicinip paasiniaavigineqarnissaa. Ilaatigulli Nunavut-ip telemedicinip eqqunnissaa aatsaat pilersaarusiuleruttorpaa, ilaatigullu Nunavik tamatumani Kalaallit Nunaannit Danmarkimillu siuarsimanerunngilaq. Taamaattumik angalanermi siunertaq naammassineqanngilaq.

Taamatut naliliivoq peqqinnermut ataatsimiititaliaq angalanermik naliliinermini nalunaarusiami »Peqqinnermut ataatsimiititaliap Nunavik-mut Nunavut-mullu paasisassarsiorluni angalanera«.

Ataatsimiititaliap Canadami namminersorfiusunut marlunnut taakkununnga angalanera akileraartartut aningaasaataannik 318.000 koruunit missaannik akeqarsimavoq. Ilaatigut pissutigalugu angalaneq København Londonilu aqqusaarlugit ingerlanneqarsimammat. Tamatuma kingunerisaanik ataatsimiititaliami ilaasortanit arfineq-pingasuusunit tallimanut, oqalutsimut allatsimullu, ullut angalaffiit sisamat angullugit sivisussuseqarsimapput.

Angalanermimi peqataapput naalakkersusiunut ilaasortaq Aqqalu Abelsen, Atassut, atorfilittaalu marluk. Angalaneq taanna 188.000 koruuninik akeqarsimavoq. Taamatut paasissutissiivoq Ilaqutariinnut Peqqinnissamullu Naalakkersuisoqarfik. Tassa angalaneq politikkitut isikkoqarnerusoq 506.000 koruuninik akeqarsimavoq.

Angalaneq pissutigalugu Peqqinnermut Ataatsimiititaliap ukioq manna paasiassarsiorluni angalanermut atugassaritinneqartut 300.000 koruunit qaangerpai. Tamannalu angalaneq pillugu nalunaarummi ataatsimiititaliap ajuusaarutigaa.

Sermitsiaq atuaruk.

nunatsinnit inuiagatigiit