Palaseqarneq 2010-mi aalajangiiffigineqassaaq
Allakkat kalaallit Danmarkimi palasiata Jens Kristian Kleistip tigusimasai, Danmarkimi palasit kattuffiannut allakkat assilineraat, naalakkersuisoqarfimmi pisortaq oqarpoq.
Jens Kristian Kleistip atorfini ernumassutigisariaqanngilaa ilageeqarnermut naalakkersuisoqarfimmi pisortaq Mikael Kristensen KNR Radioaviisimut oqarpoq.
Allagaq tassaanerarpaa Den Danske Præsteforeningip saaffiginnissutaanut Namminersortut akissutaasa assilinerat, kattuffimmit paaserusunneqarsimammat kalaallit Danmarkimi palasiatut atorfik qanoq piniarneqarnersoq.
- Akivugut ilumoortumik, tassalu apeqqummut tunngatillugu qanoq iluarsiisoqarnissaanik suli aalajangiisoqanngitsoq. Kisianni tamanna imatut isumaqanngivippoq Jens Kristian Kleistip atorfia atorunnaarsinneqassasoq, naalakkersuisoqarfimmi pisortaq Mikael Kristensen Radioaviisimut naqissusiivoq.
Neriorsuivorlu 2010-p ingerlanerani aapeqqummut tunngasut aaqqiivigineqarumaartut, suliarlu tamaanga killippoq, Mikael Kristensen naggasiivoq.