Palle C: Aningaasanik inatsisissaq oqimaaqqatigiippoq

Aningaasaqarnermik naalakkersuisoq Palle Christiansen, Demokraatit 2010-mi aningaasanik inatsisissamik saqqummiussani taavaa "Putumiit nul-imut".

– Tamannalu anguarput, Palle Christiansen sermitsiaq.gl-imut inatsisissamik aqagumut pingajussaarinninnissami saqqummiussissalluni sermitsiaq.gl-imut oqarpoq.

– Aammami "Putumiit nul-imut" ingerlanissaq pinngitsoorneqarsinnaanngilaq, Naalakkersuisut aningaasatigut periarfissaqalissappata namminersorlutik oqartussat atugarissaarnerulernissaq anguniarlugu pitsannguissappata.

Palle Christiansenip illuatungiliuttut kisitsisinik kusassaasimaneraanerat, taamaasillutillu ingerlatsinermi 0-imut pisimanerannut uparuartuinerat tunuartippaa. - Aningaasanut inatsisissatut siunnersuutip nunap karsiata ilumoortumik qanoq inneranik ersersitsinerarlugu.

AAMMA ATUARUK: Siumut aamma Atassut aningaasanut inatsisissaq akuersaassanngilaat

– Kisianni, Palle Christiansen sermitsiaq.gl-imut oqarpoq, illuatungiliuttutut issiagaluaruma uanga nammineq taama oqarsimassagaluarpunga.....

Siumut aamma Atassut nalunaareerput aningaasanut inatsimmik akuerseqataajumanatik, kisiannili naalakkersuisut Inuit Ataqatigiit, Demokratit aamma Kattusseqartigiit Partiiat inatsisartut ataatsimiittarfianni amerlanerussuteqarluarput.

Naalakkersuisut 2010-mi aningaasanut inatsimmi allanngortitsinissamik siunnersuutaat tamaasa 227 million koruuninik amigartoorutitalik Inatsiartut akuerissagaluarpassuk, immikkut ingerlatsinermut sanaartugassanillu pilersaarusiaq immikkut isiginiarneqassaaq, taavalu naatsorsuutit inernerat naligiilissaaq.

227 million koruuninik amigartoornissaq pissuteqarpoq nunap karsiata Kalaallit Nunaanni Nukissiorfiit sanaartugassaanut atugassanik attartornissaa. Naalakkersuisut maanna Nordisk Investerings Bank (NIB) isumaqatigiinniarfigaa uninngasuutiminik tigusisinnaatitaanersoq, taamaasilluni nunap karsia Nukissiorfiit erngup nukinganik innaallagissiorfiliorneranik artukkinneqannginnissaq anguniarlugu.

Aatsaat perngaamik Palle Christiansen Inatsisartunut aningaasanut inatsisissamik saqqummiussivoq: – Pissanganaqaaq ilikkagaqarnaqalunilu.