Partiit siuuttui: Apeqqutit akissutissaqanngitsut
Kalaallit Nunaanni kommunerujussuarnut qinersineqassaaq marlunngorneq aprip arfineq pingajuat. Siunissamili kommune-t suut akisussaaffigissaneraat suli ilisimaneqanngilaq.
Annonse
Partiit siuuttui Siumumeersut, Inuit Ataqatigiinneersut, Demokrat-ineersut Atassumeersullu sapaammi unnukkut nassuerutigaat qinersisartut apeqquterpassuit qineqqusaartunit akissutissaaleqissunneqartut. Tamanna erserpoq KNR-imi naggataarutaasumi partiit siuuttuisa apeqqarissaarfigineqarneranni. Tamatumunga pissutaavoq akisussaaffiit suliassallu agguataarnerat suli isumaqatigiinniutigineqarsimanngimmat.
Tamatuma kinguneranik ullumikkut ilisimaneqanngilaq suliassat ullumikkut Namminersornerullutik Oqartussat ingerlataat sorliit kommune-nit siunissami tigujumaarneraat.