Peeqarniitsuliortoq isertitsisarfimmut
Ummannarmiu angut 39-nik ukiulik nuliami talianik napisisoq, massakkut qaammatini qulingiluani isertitsivimmiittussanngorpoq.
Peqqarniitsuliorsimasoq marloriarluni peqqarniitsuliorsimasutut eqqartuussivimmut tunniunneqareersimavoq peqqarniitsuliorsimasutullu eqqartuussaareersimalluni.
– Ataasinngornermi decemberip arfineq aappaanni ullaap tungaani nalunaarutigineqarpoq, angutip namminneq angerlarsimaffimminni nuliami talia ullaannguakkut napisimagaa. Peqqarniitsuliorsimasutut eqqartuussaareernikuullunilu marloriarluni peqqarniitsuliorsimasutut eqqartuussivimmut tunniunneqareernikuummat ullaaq taanna tigusarineqarpoq, marlunngornermi ullaap tungaani inatsisit tunngaviusut tunngavigalugit killisiorneqarluni, sapaatillu akunnerini pingasuni tigummigalllagassanngortinneqarluni. Tallimanngornermi ualikkut eqqartuunneqarpoq qaammatinilu qulingiluani isertitsisivimmiittussanngorluni, Uummannami politeeqarfiup pisortaa Bo Borgnæs oqarpoq.
Angutip peqqarniitsuliorsimasutut eqqartuussaareersimanera, marloriarlunilu eqqartuussivimmut tunniunneqareersimanera pissutigalugit suliassaq nukingiullugu ingerlanneqarsimavoq.