Pele: Eqqissiallakkumanngilaq
Naalagaaffeqatigiinneq pillugu apeqqusiisarpoq aamma namminiilivinnissaq pillugu sakkortuumik isummertarpoq. Eqqissiallalaarnissaanik politikkikkut naliliisartup maanna inappaa. Tamannali Pele Brobergip tusaajumanngilaa.
Namminersorlutik Oqartussat allaffeqarfianni allaffittaamini issiavoq. Allaffia imaqanngingajappoq. Allaffik skærmilu, issiavik, printeri nerrivittalik, sofa, reolit, nerisarfik issiavittalik iikkamilu assiliarujussuaq, allamik naamik. Iserluni igalaarujussuit qasertunik rullegardininik saagoqaraluartut inngianartuinnaavoq, aviisi AG allappoq.
-Allaffiga atorfissaqartinngisannik imaajarniarlugu aalajangernikuuvunga, sunalu tamaat aallaqqaataanit aallartillugu, Nunanut Allanut Naalakkersuisunngoqqammersoq, oqarpoq.
USA-p nunanut allanut ministeria, Anthony Blinken Kalaallit Nunaannut, tassalu Kangerlussuarmut tikeraaqqammerpoq, ilaatigut peqatigiinnerup ineriartortinneqarnissaa siunertaralugu. Naalakkersuisut siulittaasuannit, Muté B. Egedemit tikilluaqquneqarpoq. Danmarkip nunanut allanut ministeria, Jeppe Kofod, aamma Inuussutissarsiornermut, Niuernermut, Nunanut Allanut Silallu Pissusaata Allanngoriartorneranut Naalakkersuisoq, Pele Broberg, Danmarkimit angalaqatigiipput, Issittumilu Siunnersuisoqatigiit Islandimi ataatsimiinneranni peqataariarlutik, Kangerlussuarmi pisumut peqataapput.
Tikeraartoqarneq iluatsilluarsimasutut taaneqartup kingulliup nalilerpaa.
-Assersuutigalugu tikeraat inuiaat allat silaannaap allanngoriartornera pillugu Ilulissanut ataatsimiigiartarnikuupput, Kalallit Nunaat qitiutinnagu. Tamanna allanngortikkusupparput. Taamaattumik tikeraartoqaqqammernerput assut iluarisimaarpara, Pele Broberg ilaatigut taama aviisimut AG-imut oqarpoq.
Oqaluttuaq tamaat uani AG-imi atuaruk: