Peqqissaasut siulittaasortaarput
Karin Holler Peqqissaasut Kattuffianni siulittaasutut junip aallaqqataa sulilissaaq.
Peqqissaasut Kattuffianni immikkut ittumik ataatsimeersuartoqarpoq ataasinngorneq martsip 31-iat Birtha Bianco tunuarniarluni nalunaareersoq.
Karin Holler aamma Karina Holst qinigassanngortipput amerlanernillu Karin Holler toqqarneqarpoq.
– Karin Holler misilittagartuujuvoq aqutsinermi Diblomgrad-eqarpoq aammalu kulturimut Mastergrad-eqarpoq Syd Dansk Universitet-imi aammattaarlu peqqissaanermi ukiorpassuarni misilittagaqarpoq, ilinniartitsisutut sulisutullu, taama tusagassiutinut nalunaarpoq Annette Maahr Hansen , taannaavorlu junip aallaqqaataata tungaanut siulittaasuugallartussaq.
Birtha Bianco ukiut arfinillit Peqqissaasut kattuffianni siulittaasuuvoq ataasinngornermilu unnukkut tunuarnermini peqqissaasoqatiminit assut qujaniarfigineqarpoq.