Pequtinik nutserisut suliassaaleqinngeqisut
Nuummi attartortut inissiamut taartaasumut nuukkallassapput inigisamik tamakkiisumik nutarterneqarneranni.
2023-p ingerlanerani Nuummi pequtinik nutserineq annertoqaaq, pequtinik nutserisut qaangiuttoorlutik sulisariaqalersillugit.
Taamak allaaserisaqarpoq aviisi Sermitsiaq.
Namminersorlutik Oqartussat inissiaataanni iluarsartuussinissami kinguaattoorneq qangali ajornerpaamiilereersimavoq inissiaatileqatigiit ataasiakkaat najugaqartut ineqarnermut akiliutaannik annikillisarniartariaqagaannik.
Nunatta karsiata inissiaatileqatigiinnut pingasunut immikkut ittumik annaassiniutitut 25-30 millioner koruunit aningaasaliissutigeqqippai, inissiat oqoqartut aserfallassimaqisut inissiallu najugaqarfigineqanngitsut attartortut nutarnerinerup nalaani najugaqarfigigallagassaannut. Taamaalilluni iluarsartuussinermik suliniutip iluarsartuussineq attartortullu najugaqarallarneranni aningaasartuutit akilertussaavai.
Siumut utimullu
Ineqarnermut Attaveqaasersuinermullu Naalakkersuisoqarfimmi iluarsartuussinermut aqutsisoqarfik immikkut ittumik iluarsartuussinermi ingerlatsisuuvoq, inissiaatileqatigiillu INI A/S-ip Nuummi attartortut attavigissavai.
Attartortut kalluarneqartussat susoqarnissaanik ilisimatippavut, qanorlu sivisutigisumik utaqqiisaasumik inigisaminniikkallarnissaannik, Inissiaatileqatigiiffimmi INI A/S-imi pisortaq Henrik Rafn Sermitsiamut oqarpoq.
Inissiaatileqatigiiffik inisseeqqinnermut killeqartunik inissiaateqarpoq, attartortullu inigigallakkamik sumiinnissaanut taamaallaat annikitsumik aalajangiisinnaapput. Attartortulli inigisaminnit anisinneqassanngillat, nutarterereernerullu kingorna inigisimasaminnut nooqqissinnaapput. Taamaattumik attartortut aamma ingigallakkaminnut depositumimik akileeqqissanngillat, inissiamili qimataminni ineqarnermut akiligassaq nalinginnaasoq akilertassallugu.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
