Per B: Nukissiorfiit aningaasaqarnermut inatsimmit peerpoq
Aningaasaqarnermut naalakkersuisup Per Berthelsenip erseqqissarpaa, Nukissiorfiit aappaagumut sanaartugassanut aningaasartuutissai nunatta karsiata akilissanngikkai. Tamanna naalakkersuisut isumaqatigiittut aalajangerpaat.
Annonse
Tamanna naalakkersuisup KNRimut ilisimatitsissutigaa.
Taarsiullugu naalakkersuisut piginnittuunermut aaqqissutissaq alla suliarissavaat, Nukissiorfiit taamaalilluni aningaasartuutissanut millionilikkaanut nammineq atorniarsinnaassammat.
Naalakkersuisut aamma 2009mut aningaasaqarnermut inatsisissami 150 millioner koruuninik sipaarniuteqarnissaq isumaqatigiissutigaat - taannalu siunnersuutaaqqaartumiit 20 millioner koruuninik annikinneruvoq.
Aningaasaqarnermut inatsisissatut siunnersuut nutaaq Inatsisartut aningaasaqarnermut ataatsimiitsitaliamut ataasinngorpat saqqummiutissangatinneqarpoq.