Perorsaasut angajoqqaanit qasutinneqartartut
Inuiaqatigiit ineriartornerat meeqqeriviit unammillernartoqartippaat - Angajoqqaat tapersersorneqarnissamik pisaiaqartitsipput. Meeqqat immikkut ittumik pisariaqartitsisut amerliartuinnarput, immikkut ilisimasallit oqarput.
Meeqqeriviit meeraaqqeriviillu annertuumik tatineqarsimapput. Perorsaasut stresserlutik qasusarput. Paarlattaasartut takkutinngittoortarput, pigaartuunissaq imminut akilesinnaanngimmat. Peqatigitillugu meeqqeriviit sulisitsisunut allanut perorsaasunik pitsaanerusumik aningaasarsiaqartitsisartunut unammillerniarnertik ajornartorsiutigisarpaat.
AG allappoq.
Naatsumik oqaatigalugu, unammilligassat annertuut sulisut ulluinnarni atugarisaat, Naalakkersuisut meeqqerivinni sulisunut tunngatillugit periusissatut iliuusissatullu pilersaarutaannut ilassummut ilanngunneqarput.
Anguniagaavoq sulisut sulisoriinnarneqarnissaat, tassungalu atatillugu malitseqartitsisussanik pilersitsisoqarsimavoq, ilinniartoqarfiit, sulisut kattuffii, kommunit Namminersorlutillu Oqartussat suleqatigiillutik malitseqatitsissapput.
Inassuteqaatit
Malitseqartitsisussat inassuteqaatinik arlalinnik saqqummiussissapput, qanoq aaqqiissuteqartoqassanersoq kiisalu meeqqerivinni meeraaqqerivinnilu ajornartorsiutinut qitiusut tikivillugit iliuusissatut inassuteqaateqassallutik.
Ulluinnarni suleqat napparsimalluni nalunaaraangat, ajornartorsiutit malunnarnerujussuusarput.
- Stressi pissutigalugu sulinngiffeqarallartoqartarpoq, suliassarmi stressernermi naammaginartumik suliarineqarsinnaanngimmat, malitseqartitsisusat angajoqqaat tatisisarnerannik aamma tikkuaasut oqarput.
- Angajoqqaat amerliartuinnartut piumasaqaatigisartagaat annertusiartuinnarput. Angajoqqaat tapersersorneqarnissamik pisariaqartitsisut, piffissarujussuaq atorlugu siunnersorneqartariaqartartut. Tamatuma kingunerani sulisut qasusoortarput. Meeqqat immikkut ittumik pisariaqartitsisut oqimaalliartorput, amerliartuinnarlutillu. Tamanna inuiaqatigiit ineriartornerisa malitsigisaanik pivoq, malitseqartitsisussat ilassutitut alunaarusiaminni allapput.
Ilanngutassiaq tamaat AG-mi atuaruk – ugguuna iserfigisinnaavat: