Persuttaasimasoq suli ujaarineqarpoq
Hans Peter Boysen qanoq ilillugu saassunneqarsimanersoq Aasianni politiit suli paasinngilaat. Takunnissimasoq politiinit pissarsiariniarneqarpoq.
Sapaatiummat ullaakkut 26-inik ukiulik Hans Peter Boysen pisuinnaat aqqutaanni sakkortuumik persuttarneqarsimalluni nalasoq nassaarineqarpoq. Persuttaasimasoq suli politiinit inuttarsineqanngilaq, arnarli takunnissimasinnaasoq politiit pissarsiarerusuppaat.
Ippassaq pingasunngormat Aasianni politiit inissianut saassussiffiup qanittuaniittunut isertarlutik miaissuipput. Takunnissimasut marluk politiinit pissarsiarineqarput, aappaatalu oqaluttuarisinnaavaa, nalunaaqutaq sisamanut hans Peter Boysen iniminut ingerlasoq takusimallutu. 18 minutsit qaangiummata saneqquttut ilaanniit politiit nalunaarfigineqarput, Hans Peter Boysen nassaarisimallugu.
Takunnissimasup aappaa arnaq politiinut oqaluttuarpoq, arnaq kalaallisut suaartartoq tusaasimanerarlugu oqarpoq 'taamarsuaq persuttaqinagu'.
- Arnaq persuttaasimasup kinaaneranik oqlauttuarsinnaasoq ujaarivarput, takunnisimasullu oqalunnerisigut politiit paasisoraat, persuttaasimasoq kalaaliusimassasoq, Aasiaat politiivini ulluinnarni aqutsisoq Aqqaluk Petersen oqarpoq.
Hans Peter Boysen suli ilisimmarnani Dronning Ingridip napparsimaviani suli nalavoq.
Hans Peter Boysen kiinnamigut ajoqusesimavoq, niaqqrata saarnga qupilluni marlunnillu qaratsamigut annikitsumik aanaartoorsimalluni. Nakorsat suli naluaat Hans Peter Boysen saassunneqarnermigut ataavartumik ajoqusersimanersoq, sulimi ilisimmangilaq.
Aasianni politiit ullukkut attaveqarfigineqarsinnaapput 89 42 22 atorlugu unnukkullu 53 51 22 atorlugu.