Persuttaatsarnermi taartumi qaamaneq
Pinerliivigineqartut pinerliivigineqarlutillu persuttarneqaraangamik inuunerminniajornartorsiulersarput. Apeqqutit qaffakaalersarput: kina ikiuussinnaava,taarsiivigineqarnissarmi, meerara qanoq oqaloqatigissavara, suliffinnut napparsimallunganalunaarsinnaavunga? Maanna – ukiut 23-t qaangiunneranni – kiisami pinerliivigineqartuniksiunnersuiffimmik pilersitsinissamut suliaq ingerlaqqilerpoq.
Pisariaqartitsineq annertullunilu nukinginnarpoq. Kalaallit Nunaanni Danmarkimut sanilliullugu persuttaasarnerit sisamariaammik amerlanerupput. Savalimmiunut sanilliullugu quleriaammik amerlanerupput. Siorna 20. decembarimit ukiortaamut – tassa ullut aaqanillit ingerlaneranni – angerlarsimaffinni eqqissiviilliornerit, persuttaanerit pinngitsaaliinerillu 175-t nalunaarutigineqarput. Tamanna juullikkunni ilaqutariit ilisarisimasariillu eqqissinartumik inooqatigiilluarnermi katerinnissaasa nalaanni pivoq.
Aviisi AG taama allappoq.
Kisitsisit tunuanni suliani ajornerpaani inuunermi oqaluttuat sakkortuut piusinnaapput. Pinerliivigineqartut kinguaassiutitigut kannguttaatsuliorfigineqarnermik, toqoriaraluarneqarnermik sakkortuumilluunniit persuttarneqarnerup kingorna ulluinnarni inuunermut uterniarlutik sorsuuteqartariaqartarput.
Pinerliivigineqartunulli ikiorsiisarneq ajorpallaarpoq. Tamanna danskit folketingianni Christiansborgimi politikerit, Kalaallit Nunaanni pinerliivigineqarsimasunik siunnersuiffimmik, qallunaat nunaanni pinerliivigineqarsimasunik siunnersuisarnermut assingusumik, pilersitsinissamik oqallinneranni amerlanerussuteqarluartunik isumaqatigineqarpoq. Oqaaseqartartoq Moderaterneneersoq Nanna W. Gotfredsen oqaluttarfimmut qaqilluni kalaallit folketingimut ilaasortaannut marlunnut ima tapersiivoq:
- Sunniiniarniaritsi! Kalaallit Nunaanni pinerliivigineqarsimasunut siunnersuisarnerup atulersinneqarnissaanut piffissaq sivisuallaartoq atorneqarpoq. Taamaammat Aaja Chemnitzip siunnersuutaa isumaqatigilluinnarpara, taanna oqarpoq.
Aviisimi AG-mi atuarnerusinnaavutit:
