Persuttagaasoq peruluppoq

Angut 49-nik ukiulik Ilulissaneersoq maanna Nuummi Dronning Ingridip napparsimmavissuani perululluni sinitsinneqarpoq peqqarniitsumik unatarneqareerluni. Angut anersaartuuteqartinneqarpoq unataasorlu Ilulissani politiinit tigummigallarneqarpoq.

Qaasuitsumi politiit pisortaat Aqqaluk Petersen Sermitsiaq.AG-mut oqaluttuarpoq unataaneq ernguttoqarnerata nalaani oktoberip 29-at pisimasoq. Unataasoq Qaasuitsumi eqqartuussivimmut sassartinneqareerluni sapaatit akunnerini pingasuni politiinit tigummigallarneqarpoq.

- Unatarneqartoq suli perululluni anersaartuuteqartinneqarpoq maannamullu oqaloqatigineqarsinnaasimanani, Aqqaluk Petersen oqarpoq.

Politiit paasiniaanerat suli ingerlavoq.