Persuttarneqarluni toqusoq pillugu ilisimannittunik politiit ujarlerput

Angut 57-inik ukiulik Ilulissaneersoq aggustip 11-anni Dronning Ingridip Napparsimmavissuani toquvoq, tamaviaarluni nakorsanit annaanniarneqareeraluarluni. Angut persuttarneqarsimavoq, politiilli persuttaanerup kinguneranik toqutsinermik paasiniaanerminni uppernarsaatissanik aalajangiisuusunik amigaateqarput.

Angutip taassuma toquneranut atatillugu angut tigusarineqarsimagaluartoq Ilulissani politiit iperarpaat. Angut taanna unnerluussaavoq tigummineqarallarsimallunilu, taamaallaalli nassuersimavoq angut isaannarsimallugu.

Angulli toqusoq isatsinnerinnarmit toqquteqarsimanavianngivippoq. Tassami aqqunartiternini toqqutigai.

– Takunnittunik killisiuisoqarsimavoq tamarmik allamut sammivilimmik nassuiaasunik. Taamaattumik politiit pisimasoq iternga tikillugu paasiuminaatsippaat. DTaamaattumik politiit innuttaasunit, pisimasumik suli paasissutissiinerusinnaasunit, saaffigineqarusuttorujussuupput, Qaasuitsumi politiini pisortaq Kasper Berthelsen oqarpoq.

Politiit paasiniaanerminni sumut killinnerat AG-mi normu 36-mi atuaruk, taannalu pisiniarfinni, uanilu elektroniskinngorlugu pisiarisinnaavat:

AG Uge 36 2015

Klik her for at læse