KL

DK

Peter Grønvold Samuelsen Air Greenlandip siulersuisuunerinit anivoq

KNI-p pisortaa Peter Grønvold Samuelsen Air Greenlandip sulersuisuunerinit tunuarpoq. Air Greenland tusagassiorfinnut naatsumik taama nalunaaruteqarpoq.

Kassaaluk Kristensen Kassaaluk Kristensen
Published

Peter Grønvold Samuelsen Air Greenlandip siulersuisuunerinit tunuarniuteqarluni ataasinngornermi 29. marts nalunaarpoq. Air Greenland tusagassiorfinnut taama ilisimatitsivoq.

Ataasinngornermi nalunaarutigineqarpoq KNI-mi pisortaq ukiut arfineq-pingasut pisortaareerluni ingerlaannartumik soraarniuteqartoq. Pineqartoq nammineerluni ilisimatitsivoq ilaquttaminut pinngortitamullu piffissaqarnerujumalluni taamaaliorluni.

Sermitsiaq.AG ilanngullugu oqaluttuarisinnaavaa KNI-p pisortaa kannguttaatsuliorluni tiinganiartarsimasutut politiinut unnerluutigineqarsimasoq. Politiinut unnerluutiginninneq kannguttaatsuliorsimanertut qulequtserneqarsimavoq.

- Piitap aalajangernera aammalu aalajangernerminut tunngavigisaa ataqqivarput. Siulersuisuni suleqatigilluarneranut qujavugut, siulersuisunut siulittaasoq Bodil Marie Damgaard oqarpoq.

Namminersorlutik Oqartussanit toqqagaq

Peter Grønvold Samuelsen Namminersorlutik Oqartussanit Air Greenlandimi siulersuisuni ilaasortassatut toqqarnrqarsimavoq, novemver 2020-milu siulersuisuniilerluni.

Peter Grønvold Samuelsenip, maannakkorpiaq tusagassiutitigut sammineqarnermi, Air Greenlandimut sunniuteqannginnissaanik kissaateqarnini tunuarniarnerminut peqqutaanerarpaa.

Air Greenlandimi siulersuisuunerit 18. maj ataatsimeersualerpata Namminersorlutik Oqartussat siulersuisunut ilaasortassamik toqqaaqqissapput.

Læs hele sagen:

nunatsinnit inuiagatigiit
Powered by Labrador CMS