Piffissaq anoraasuarsuarfiusoq
2023-mi nunarsuaq tamakkerlugu aasaanerani aatsaat taama kiatsigaaq – ukiuni 120.000-ini kiannersaalluni. KalaallitNunaanni nillataarpoq, ukiaaneralu anorersuarfiuvoq savallu amerlasuut toqorarput. Ullutsinnili pinngortitamiaseruatitsinerit qanga pisunut sanilliukkuminaattarput.
Piffissaq manna silarluffiusarpoq. Persersuaq immaqalu aamma anoraasuarsuit. Qujanartumik qanga pisoqartarneratut ajortigisanngilaq.
Ukiut 50-it matuma siorna – ukiuunerani 1974-imi – silarlorujussuarpoq. Pingaartumik avannaani. Qeqertarsuup Tunuani taamanikkut Qasigiannguaniittut pinnatik silarlunnera immaqa allanit puigorneqareersimassaaq, kisianni anoraasuarsuaq sakkortoorujussuaq nalunaaquttap akunneranut 180 km-isut sukkassuseqarluni takkuttoq inuit eqqaamalluarsimassavaat.
Atuagagdliutit ajunaarnersuaq pillugu saqqaani ilanngutassiaqarpoq.
- Illut aseruatiterput. Aalisartoq inuunerminik navianartorsiorpoq. Meeqqat meeqqerivinnit meeraaqqerivinniillu qimagussortinneqarput, aviisi allappoq.
AG-p illoqarfimmi tusagassiortuata, Ebbe Mortensenip, illoqarfimmit ajornartoorfiusumit Nuummi aaqqissuisoqarfimmut oqarasuaatikkut tusagassiivoq.
- Anorersuaq nal. 11.35 eqqorluinnarlugu takkuppoq. Siorsualasorsuulluni timmisartutut sukkasuuliatut qatsiartutut nipeqarluni takkuppoq. Imaaliallannerinnarmit qilak taarsivoq sioqqanik persertorsuanngorluni inuillu arpaannaq qimarrapput. Nalunaaquttap akunneri pingasut sakkortoqisumik anorersuarpoq, illoqarfik tamakkiusalluni aseruatiterluni, taanna oqaluttuarpoq.
Aviisimi AG-mi atuarnerusinnaavutit:
