Pigineqarpoq: Avatangiisinut akissarsiassaq Kissaat: Tunineqartussat
Namminersorlutik Oqartussat innuttaasut qinnuigaat siunnersuuteqaqqullugit kikkut Namminersorlutik Oqartussat Avatangiisinik Pinngortitamillu Mianerinninneq pillugu akissarsiamik tunineqassanersut.
Akissarsiaq ukiaanerani tunniunneqassaaq - tamatumuunalu pingajussaanik akissarsisitsisoqassalluni.
Inuit, suliffeqarfiit imaluunniit kattuffiit tamatsinnik pinngortitamik avatangiisimillu mianerinninnissatsinnik maligassiuillutik aamma aallussilluarlutik ilisimaarinnilersitsisut imaluunniit Kalaallit Nunaanni suliniuteqarnermikkut avatangiisitsinnik pitsanngorsaataasumik iliuuseqarsimasut nersorniarlugit akissarsititsineq tunniunneqartarpoq.
Asilerisut nersornaammik tunineqarput
Avatangiisinut Pinngortitamullu Nersornaammik 2007-mi tunniussinermi Kalaallit Nunaanni Asilerisut suleqatigiiffillu Sila-Inuk tunnineqarput. Nersornaatip Asilerisunut tunniunneqarneranut peqqutigineqarpoq taakku Kalaallit Nunaanni innuttaasunut nalinginnarnut pinngortitamik avatangiisimillu paasinnittaaseq annerulersimmassuk pinngortitallu paarineqarnissaanik paasititsiniaallutik.
Sila-Inuk-mi suleqatigiit Kalaallit Nunaanni pinngortitarsuup allanngoriartorneranik kalaallit inuinnaat ilisimasaannik katersisimapput aaqqissuussaasumillu ilisimalikkat katersorsimallugit ilisimatusarnermi suleriaatsit tunngavigalugit. Asilerisut 25.000 koruuninik tunineqarput, suliniut Sila-Inuk 50.000 koruuninnik tunineqarlutik.
Seqerngup qinngornerinik kiassarneq
2008-mi nersornaat Qaqortumi Arne Kyedimut nunaqarfimminuullu Ilimanarmiunut tunniunneqarpoq. Arne Kyed aasarsiortarfimmi lejrskolimi seqerngup qinngorneri atorlugit kiassaammik pilersitsivoq taamaalillunilu uuliamik sipaarnissamik tapeeqataalluni. Nunaqarfimmi Ilimanarmiut nersorniarneqarput innuttaasut nunaqarfimminnik eqqiliusaarnissaq eqqarsaatigalugu ukiumut marloriarlutik saliisarnerat pillugu arsakoorfinnillu nunaqarfimminni inissitsiterisimallutik. Arne Kyed 20.000 koruuninik akissarsitinneqarpoq, Ilimanarmiullu 25.000 koruuninik akissarsitinneqarlutik.
Namminersorlutik Oqartussat nersornaammik tunineqartussanut siunnersuutit kingusinnerpamik 15. septembari tigoreersimassavaat.