ineqarneq
Piginneqatigiilluni inissiaatileqatigiinni inissiat pillugit makitsineq
Inatsisartut piginneqatigiilluni inissiaatit nunamut tamarmut siammarniarpaat
Inuit ataasiakkaat ilaqutariillu 95-t pingasunngormat ualikkut kingusissukkut GrønlandsBANKEN-ip Nuummi nerisarfiani nalinginnaasuunngitsumut makitsinermut peqataapput, tassani pinnattaassaq tassaavoq siunissami piginneqatigiilluni inissiaateqatigiit peqatigiiffissaanni ilaasortanngorneq.
Sermitsiaq allappoq.
Piginneqatigiilluni inissiat nuannarineqaqqilertoq
Ukiorpassuarni sammineqanngereerlutik, soqutiginninneq maannakkut inissiamik piginnittumut sammitinneqarpoq, Nuummi piginneqatigiilluni inissiaateqatigiinneq nuannarineqaqqilerpoq.
Iggiaani nuannaariartaatinik umiatsialivik aamma Nuussuarmi naluttarfimmik Malimmik qaninnerpaamik eqqaamioqarlutik entreprenøritut suliffeqarmmi Larsen og Co. imaq avatangiiseralugu sanaartorniarpoq, ilaatigut inissiarsuit portusuut sisamat tamarmik immikkut arfinilinnik quleriillit 17-nillu inissiartallit – inissiat katillugit 68-t
Inissiarsuit portusuut marluk tamarmik 34-nik inissiartallit GrønlandsBANKEN aqqutigalugu piginneqatigiilluni inissiaatitut tunineqassapput. GrønlandsBANKEN-imi iluatsilluartunik suliniut pillugu ilisimatitsinertalimmik ataatsimiisitsisoqartarsimavoq.
Qinnuteqaateqartut akornanni makitsineq
Piginneqatigiilluni inissiaat illussanik titartaasartunit Clement og Carlsenimit titartarneqarsimasut ima soqutigineqartigaat allaat pingasunngormat ualikkut qinnuteqaateqartut akornanni makitsisoqartariaqarluni.
Inissianut 34-nut qinnuteqaateqartut 95-iutillugit piginneqatigiilluni inissiamik »ajugaalluni« pissarsinissamut periarfissat immaqa pingajorarterutaaniipput. »Ajorsartut« piginneqatigiilluni inissiaateqatileqatigiit allattorsimaffiannut allatsissapput.
Inissiarsuit portusuut marluk taakku tamarmik immikkut 17-inik inissiartaqarlutik immikkoortillugit sananeqassapput.
2018-imi maajimi sanaartulissapput aamma 2019-imi maajimi / juunii iserternissanut piareerneqariissapput.
Piginneqatigiilluni inissiat pillugit allaaserisaq tamakkerlugu Sermitsiami atuarsinnaavat. Aviisi digitaliusoq uani pisiarisinnaavat: