Piitsuussuseq: Naligiinnginneq annertusisinnaasoq
Aningaasat naleerukkiartornerat 2024-imi annertunerussaaq, AningaasaqarnermutSiunnersuisoqatigiit taama siulittuuteqarput. Taamaalilluni naligiinnginneqannertunerulersinnaavoq. Illoqarfinni eqiterukkiartornerup immitsinnuttakornartanngortippaatigut, ilisimatusartoq lektoriusorlu oqarpoq.
Aningaasat naleerukkiartornerisa aqqutissaq ataasiinnaq ingerlaffigaat. Qaffakkiartuinnarpoq. Ulluinnarni nioqqutissat suli akitsoriartornissaat ilimagisinnaavarput. Nuuk Imeq maannakkut kikkut tamarmik oqaluuseraat, immiaaqqat imeruersaatillu assigiinngitsorpassuit qangali utaqqineqarsimasut akii innuttaasut tupaallaatigigamikkit.
Aviisi AG taama allappoq.
Inuiaqatigiinni isumatsassimangaarneq atugaalersimavoq. Inuppassuit aningaasarsiornissartik ajornakusoortippaat, Aningaasaqarnermullu Siunnersuisoqatigiit naapertorlugit ukioq manna pissutsit pitsaanerulernavianngillat.
Ilisimatusarfimmi Issittumi atugarissaarnermut ilisimatusarfimmi pisortaq Steven Arnfjord AGmit oqaloqatigineqarpoq, piitsuussuseq inunnut qanoq sunniuteqartarnersoq paasiniarlugu. Taassuma erseqqissarpaa piitsuussuseq assigiinngitsunik annertussuseqartoq, amerlanerpaalli pissakingaatsiartuupput. Tassani pineqarpoq angerlarsimaffimmi pissakilliorfiusumi peroriartorneq. Anaanaasoq ataataasorlu suliffeqarfeqarnermut annerusumik attuumassuteqarsimanngillat, taamaattumillu aningaasaateqaratik. Isertitanut pisortanit pisartakkat, isumaginninnikkut ikiorsiissutit, juullimut ikiorsiissutit imaluunniit nerisassanik agguaassisarnerit naatsorsuutigineqarlutik.
Aviisimi AG-mi atuarnerusinnaavutit:
