Pinerluttuliortarneq misissuiffigineqassaaq
Naak innuttaasut, politikerit aamma tusagassiorfiit pinerluttuliornerit aammapineqaatissiisarnerit ukkatarisorujussuugaluaraat, inuiaqatigiinni oqallinneq ilisimasanikaalajangersimasunik paasisanillu tunngavilinnik ingerlajuaannanngilaq. Pinerluttarneq aammapinerluttaaliinermut politikki pillugit Ilisimatusarfimmi nutaamik pilersitsiniarnermuttunuliaqutitut ilisimatusartoq taama oqarpoq.
Nunatsinni pinerluttulerineq pillugu uppernarsakkamik oqallisissagutta, eqqoriaanerinnaanngitsut pisariaqartinneqarput.
Taamaammat professori adjunkti, pinerluttarneq pillugu ilisimatusartoq aamma Ilisimatusarfimmi inatsisilerinermut immikkoortortaqarfimmi pisortaq, Anette Storgaard, suleqatini Annemette N. Lauritsen, Inuiaqatigiilerinermik, Aningaasaqarnermik Tusagassiornermillu Ilisimatusarfimmi pisortaq peqatigalugu, ilisimatusarfimmik mikisumik isumassarsiamik piareersarput.
Aviisi AG taama allappoq.
Ilisimatusartut taakku marluk ukioq manna Ilisimatusarfiup Pilersaarusiukkanik Ilisimatusarnernut Ineriartortitsinernullu Tapiissuteqartarfimmit pissarsiaqartut ilagaat (allattorsimaffik takuuk, aaqq.).
Pinerluttarneq pillugu ilisimatusartut taakku marluk oqarnerat naapertorlugu Kalaallit Nunaanni ilisimasanik katersuivimmik, Kalaallit Nunaanni pinerluttarneq pillugu oqaluttuarisaanermi aamma ullutsinni ilisimasanik amigaateqarpugut. Naak suliassaqarfik taanna politikkikkut annertuumik soqutigineqaraluartoq.
Kalaallit inuiaqatigiit akornanni pinerluttarneq pillugu ilisimasanik ilisimatuussutsikkut tunngavilersukkanik uppernarsakkanillu katersuivittut atorsinnaasumik, ilisimatusarfimmik pilersitsinissaq taamaattumik eqqarsaatigineqarpoq.
- Ilinniarfimmi inuusuttut oqaluttut tusaagaangakkit, aamma tusagassiorfinnit atuaraanni, pinerluttaaliorneq pillugu politikki politikkikkut siornatigumut sanilliullugu soqutigineqarneruvoq. Taamaammallu ilisimasaqarnissap pisariaqartinneqarnera annertuneruvoq. Taamaallaat isumaliorneq, isumaqarneq, eqqaamasaqarneq imaluunniit qanoq isumaqarneq pinnagit, Anette Storgaard oqarpoq.
Aviisimi AG-mi atuarnerusinnaavutit:
