Pingaartoqarfik iluatsilluartoq

Politiit nuna tamakkerlugu pigaartoqarfiat politiinik qasuersimanerusunik kinguneqarpoq

Nuummi politeeqarfimmi nuna tamakkerlugu pigaartoqarfiup aallartinniarnera piffissami sivisuumi pivoq. Ukiullu affaa pilersaarusiortoqareersoq ammarneqarpoq. Ilimagisamilli ingerlalluarnerusoq, pigaarfimmi pisortaq Johan Westen oqarpoq.

Atuaruk: Assit takukkit: Politiit nutaamik oqarasuaatikkut saaffiginnittarfittaarput

- Sulisutsinnit suleqatitsinnillu soorlu Peqqinnissaqarfimmit Isumaginninnermut ingerlatsivinnit, Pinerluuteqarsimasunut inissiisarfinnit il.il. tusakkavut pitsaasuupput.

- Assersuutigalugu suleqativut unnuami pigaartuunermik nalaani akornuserorneqarneq ajornermikkut qasuersimanerullutik suliartortarput.

Atuaruk: Saaffiginnittarfik nutaaq ima ingerlanneqarpoq

Pisariaqarfiisigut itersarneqartarput
Nunatsinni politeeqarfiit nalunaaqutaq sisamanut matugaangata, politiinut sianernerit tamarmik Nuummi politeeqarfimmut ingerlateqqinneqartarput, tassanilu politiimik ornigutsitsisoqassanersoq nalilerneqartarpoq.

Pigaartoqarnermik aaqqissuussinerup atuutilernera sioqqullugu politeeq pigaartuusup sianertut tamaasa akisarpai, sianertunillu qulinit tallimat immaqa politiinik pisariaqartitsineq ajorput.

- Maannalu suleqatitta unnuami oqarasuaat sianeraangat, tamanna suliffiannut attuumassuteqartuusoq naluneq ajorpaat, Johan Westen oqarpoq.

Pigaartoqarfillu maanna aamma allatut sunniuteqarpoq maannami peqqinnissaqarfiup qatseriartoqarfiillu aaqqissuussineq qissimigaalerpaat.

- Sulisut atugaannik pitsannguisumik allatut iliortoqarsinnaasoq maanna takusinnaalerpaat, pigaartut pisortaat oqarpoq.

AG-mi erseqqinnerusumik manna atuaruk:

AG Uge 51 2016

Klik her for at læse