Pingasunngornermi tunillatsittut 445-t nalunaarsorneqarput
Pingasunngornermi tunillatsittut nutaat 445-t PCR-mik misissortinnernit nalunaarsorneqarput. Uninngasut amerlassusaat nutarterneqanngillat.
Inuit 445-t ullormi kingullermi PCR-imik misissortinnernit tunillatsissimasut paasineqartut, pingasunngornermi tunillatsittunit kisitsisinit takuneqarsinnaavoq. Kisitsisini piffissami 797-it misissorneqarsimasut takuneqarsinnaapput.
Tunillatsittut ima agguataarneqarput:
Avannaa 99
Qrqertalik 38
Qeqqa 61
Sermersooq 242
Kujalleq 5
Misissortinnernit kisitsisit misissuinernit sinerissamit Nuummut nassiunneqartartut aamma siornatigut nalunaarsorneqartaraluarput, kisianni ullumikkut kisitsisinit tamanna atuarneqarsinnaanngilaq.
Nakorsaanerup Henrik L. Hansenip nammineq Covid-19-imik tunillatsissimaneranit nun.gl-imi kisitsisit nutarterneqartarnerat sunnerneqarpoq, taassuma nammineerluni kisitsisit nutartertaraluarmagit. Tamatuma peqatigisaanik misissuisarnermut periutsip nutaap kikkut PCR-imik misissorneqarsinnaanerannik killiliivoq, tassanilu amerlanngitsut misissorneqarsimasut aamma misissorneqartunit tunillatsissimasut amerlassusaannik 50 procentinit amerlanerusunik qaffasissumik aamma takutitsivoq.