Piniarnermut nakkutilliisoq unioqqutitsilluni umimmassimasoq nalunaarutigineqartoq

Piniarnermut nakkutilliisoq inatsisinik unioqqutitsilluni Kangerlussuarmi umimmassimasutut, Kalaallit Nunanni Politiinut sisamanngornermi nalunaarutigineqarsimavoq.

Kalaallit Nunaanni Politiit Facebookiminni taama allapput.

- Kalaallit Nunaanni Politiit sisamanngormat ualisoq, Kangerlussuarmi piniarnermut nakkutilliisoq piniarfiup nalunaarsorneqarsimasut nalaanni, inerteqqutaasumik umimmanniarsimasinnaaneranik unnerluutiginnittumik tigusaqarput, politiit allapput.

Tamatumuuna politiit pinerluttuliortoqarsimasinnaaneranik misissuinertik aallarnerpaat.

Inatsisit umimmanniarnermut tunngasut namminersorlutik oqartussat umimmannik illersuinermut ilisimatitsissutigisimasaat, inatsisartullu umimmanniarnermut inatsisiliussaannik naapertuussaavoq.

Unioqqutitsilluni piniarneq akiligassiinermik, neqinillu kiisalu aallaasinik arsaarinninnermik kinguneqarsinnaasut, politiit ilisimatitsipput.