Piniartunut tunissut
Great Greenland puisit amiinik pisisinnaaleqqeqqullugu naalakkersuisut aningaasassarsiorput - qineqqusaarutaanngilarlu, naalakkersuisooqatigiit siulittaasuat erseqqissaavoq.
Naalakkersuisuugallartut kissaatigaat Great Greenlandip puisit amiinik pisiortornini ammaqqissagaa. Ammeriviup amernik pisortornini apriilimi maajimilu matoqqatikkallarpaa, pisortap Henrik Estrupip oqarnera naapertorlugu ukioq naallugu amernik pisisinnaaniassagamik.
Aningaasartuutit 2 millioner kroniussapput.
– Tunumil Avanersuarmi Kujataanilu piniartut allanik aningaasarsiorfissaqanngitsut ikiortariaqarpagut, naalakkersuisuni siulittaasuugallartoq Hans Enoksen oqarpoq.
Amerlanerussusiisussarlumi nalunaareerpoq. Kattusseqatigiit Partiiata siulittaasua qinigaaqqeqqammersoq, Anthon Frederiksen, peqataarusuppoq.
– Uagut angissaagut. Naalakkersuisooqatigiit kaammattoreerpagut aalisartut, piniartut tunitsivinnilu sulisut naalakkersuisut matooraanerannit assigiinngitsunit eqqorneqartut ikiorseqqullugit, Anthon Frederiksen oqarpoq.
Tamakerlugu Sermitsiami nr. 19-mi atuaruk...