Pinngitsaaliilluni atoqatiginninnerit qanoq unitsinneqassappat?
Paquminartut eqqartornissaat pisariaqarpoq, kisianni aqqut suli takivoq.
Oqaatsit tulliuttut Anna Wangenheimit oqaatigineqarput. Taakkua tamanut sammitinneqartut, taakkualu naaggaarnissamut uneriarlunilu timip naalaarnissaanut tunngassuteqarput.
Nuanninngitsunik puiguinerit, nammineq inuttut killissat aamma pinngitsaaliilluni atoqatiginninnerit pillugit.
Aviisi AG taama allappoq.
- Tamanut toqqaannartumik oqarusuppunga: NAAGGAARNEQ AJUNNGILAQ. Naaggaarit, unitsiguk, timit nuanniilliortinneqarpat. Timivit nuanninngitsut eqqaamasarpai. Timit sallusanngilaq. Timi sioorasaarutinut, siusinnerusukkut misigisaminut, qisuariartarpoq.
Anne Wangenheimip oqariartuutigisai oqaaseqartutut ilanngussat takisuut nalinginnaanngitsullu ilagai, taakkualu akuersissuteqaqqaarnissamik tunngavilimmik pinngitsaaliilluni atoqaqitiginninneq pillugu aalajangersakkap Kalaallit Nunaanni atuutilersinneqarnissaa pillugu Inatsisartuni aalajangiiffigisassatut siunnersuummut atatillugu saqqummiunneqarput.
AG-p tamatuma kingorna attaveqarfigaa aperiniarlugu, sooq isumaqarnersoq, kinguaassiuutitigut pinerlunnerit taama amerlatigisut nalunaarutigineqartartut kisitsisillu ikiliartortut isikkoqanngitsut?
- Ilaatigut nammineq timimut oqartussaaneq, namminerlu killissanik ataqqinninneq, siaruaassimaleriartorput, taamaalillutillu nalunaarutiginnittarnerit amerlisimallutik. Immaqa aamma inuppassuit inuit allat killissaannik paasinnittannginnerannut ataqqinnittannginnerannulluunniit tamanna aamma ersiutaavoq – immaqa namminneq killissanik qaangiisunik meeraanerminni pissusilersorfigineqarsimagamik, taamaalillunilu nalinginnaasumik paasinnittaaseq illikartinneqarsimalluni, akivoq.
Aviisimi AG-mi atuarnerusinnaavutit. Aviisi uani pissarsiariuk: